Shayxontohurda 53 bosh qo‘y go‘shtining pullarini ikki yildan buyon bermay kelayotgan firibgar qo‘lga olindi

Shayxontohur tumanida bundan ikki yil oldin qashqadaryolik fuqaroning 53 bosh qo‘y go‘shtining pulini shu kungacha qaytarib bermay yurgan firibgar qo‘lga olindi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.

Toshkent shahrining Shayxontohur tumanida 2018-yil 10-aprel kuni IIBga tushgan hujjatlarga ko‘ra, 2016-yil 31-oktabr kuni Qashqadaryo viloyati Koson tumanida yashovchi fuqarodan umumiy qiymati 25 million 800 ming so‘mlik 53 bosh qo‘y go‘shtini pulini 10 kun ichida tayyorlab berishni va’da qilib, aldab yurgan shaxs qo‘lga olindi.

Ma’lum bo‘lishicha, firibgar va’dasini bajarmay pullarni o‘z ehtiyoji uchun ishlatib yuborgan. Ko‘rilgan choralar natijasida firibgar qo‘lga olingan.