Isroil raketaga qarshi mudofaa tizimi Sinay hududidan uchirilgan raketalarni urib tushirdi

Isroilning raketaga qarshi mudofaa tizimi Misrning Sinay yarim oroli hududidan uchirilgan bir nechta raketani to‘xtatib qoldi, deb yozadi “Gazeta.ru” Isroil armiyasi matbuot xizmatiga tayanib.

“Raketalar Sinay hududidan Isroil tomonga qarab uchirildi. ‘Temir gumbaz’ raketaga qarshi mudofaa tizimi ularning bir nechtasini to‘xtatib qoldi”, — deya ma’lum qildi isroillik harbiylar.

O‘qqa tutishga urinish munosabati bilan Eylat va uning tashqarisida havo trevogasi sirenasi ishlab ketgan.

Jabrlanganlar haqida ma’lumot kelib tushmagan, harbiylar hududni ko‘zdan kechirmoqda.