80 kilogrammli tyulenni parhezga o‘tqazishdi

Britaniyadagi hayvonot bog‘ida yashovchi Jinks laqabli tyulen 80 kilogramm vaznga ega bo‘lgani uchun parhezga o‘tqazishdi, deb xabar beradi TJournal.

Qayd etilishicha, bu me’yordan 20 kilogramm ko‘p deganidir.

Urg‘ochi tyulen 2017-yilda qutqarilgan va hayvonot bog‘iga olib kelingan edi.

Veterinarlar tibbiy ko‘rik vaqtida tyulenning oshqozonida muammo borligini aniqlagan hamda uni boshqa tyulenlar saqlanadigan hududda qoldirgan va yaxshi ovqatlantira boshlagan edi.

Ayni paytda Jinksning ratsioni minimum darajada qisqartirilgan. Shuningdek, tyulenni jismoniy harakatlarni ko‘proq qilishga majburlashmoqda.

Jinks ushbu xatti-harakatlar tufayli ozib, o‘z holiga qayta boshladi.