Rakkani ozod qilish bo‘yicha operatsiya oldidan shahar izolyatsiya qilinadi

Amerikalik harbiylar AQSh tomonidan qo‘llab-quvvatlanuvchi kuchlar yaqin hafta ichida shaharni ozod qilish bo‘yicha operatsiyani boshlash uchun IShID terrorchilik guruhining poytaxti — Suriyaning Rakka shahrini izolyatsiya qilib qo‘yishi mumkinligini ma’lum qildi. Bu haqda Reuters agentligiga tayanib, “Gazeta.ru” xabar berdi.

Yaqin haftalar ichida bu shahar deyarli to‘liq izolyatsiya qilinishi kutilmoqda. Shundan keyin hujum haqidagi qaror qabul qilinadi.

Jon Dorrian, AQSh harbiy-havo kuchlari vakili

Jon Dorrian shaharni ozod qilishni boshlash qarori AQSh tomonidan oldindan e’lon qilinmasligini aytib o‘tdi.

IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.