Farg‘onadagi metan gaz quyish shoxobchasida portlash yuz berdi, bir kishi halok bo‘ldi

Farg‘ona shahridagi Sharof Rashidov ko‘chasida joylashgan Mig Oil Metan kompaniyasiga qarashli metan gaz quyish shoxobchasida portlashda sodir bo‘ldi. Bu haqda IIV jamoatchilik va OAV bilan aloqalar boshqarmasi xabar berdi.

Qo‘shtepa tumanida yashovchi pensioner S.S. Nexia rusumli avtomobiliga gaz to‘ldirayotgan paytda mashinaga o‘rnatilgan metan gaz balloni portlab ketgan.

Hodisa oqibatida shoxobcha ishchisi M.Sh. voqea joyida halok bo‘lgan. Yozyovon tumanida yashovchi I.O. jarohat bilan kasalxonaga yotqizildi.

Gaz ballonning portlash sabablari o‘rganilmoqda.