Yangiyo‘lda muqaddam sudlangan shaxs ona va bolani o‘ldirdi

Toshkent viloyatining Yangiyo‘l shahrida yashovchi pensioner S.I.ning xonadonidan 31-may kuni shu yerda vaqtincha ijarada yashagan Ch.A. ismli ayol va uning qizi R.A.ning jasadlari topildi. Bu haqda IIV jamoatchilik va OAV bilan aloqalar boshqarmasi xabar berdi.

Shuningdek, Ch.A.ning yana bir qizi — 10 yoshli R.A. hamda birga ijarada yashovchi tanishi S.E. ham tan jarohatlari bilan kasalxonaga yotqizildi.

Ko‘rilgan tezkor qidiruv choralari natijasida ushbu jinoyatni Yangiyo‘l tumanida yashovchi, muqaddam sudlangan, L.B. o‘zaro janjal oqibatida sodir etganligi aniqlanib, qo‘lga olindi.