G‘arbiy Afrika mamlakatlari Iqtisodiy hamjamiyati qo‘shinlari Gambiyada yana uch oy qoladi

G‘arbiy Afrika mamlakatlari Iqtisodiy hamjamiyati qo‘shinlari Gambiyada yana uch oy qoladi. Bu haqda prezident Adama Barrou ma’muriyati bayonotiga tayanib, Reuters agentligi ma’lum qildi, deb yozadi “TASS”.

“Prezident Barrou keng jamoatchilikka G‘arbiy Afrika mamlakatlari Iqtisodiy hamjamiyati zaxira kuchlari mandati qayta tiklanish ehtimoli bilan uch oyga uzaytirilganligini ma’lum qiladi”, — deyiladi bayonotda.

Gambiya prezidentligiga saylangan Adama Barrou 26-yanvar kuni G‘arbiy Afrika mamlakatlari Iqtisodiy hamjamiyatiga yaqin yarim yil davomida qo‘shinlarini mamlakatda qoldirish iltimosi bilan murojaat qilganligi ma’lum bo‘lgan edi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.