KXDR delegatsiyasi Singapurda Kim Chen In uchun limuzin qidirmoqda

Pxenyan vakillari Singapurda KXDR yetakchisi Kim Chen In uchun limuzin ijaraga olmoqchi, deb yozadi “TASS”.

AQSh delegatsiyasi Singapurga prezident avtoparkini, shu jumladan, prezident limuzinini olib bormoqchi, ammo KXDR o‘z avtotransportini tashib kelishni istamayapti.

Ayni vaqtda Shimoliy Koreya Kim Chen Inga AQSh prezidenti Donald Trampnikidan past bo‘lmagan sinfga tegishli limuzin taqdim etilishini talab qilmoqda.

KXDR va AQSh vakillari uchrashuvi 12-iyun kuni Singapurda bo‘lib o‘tishi belgilangan.