Anvar qori Tursunovning vafot etgani haqidagi xabarlar asossiz

Bugun ijtimoiy tarmoqlarda, norasmiy axborot sahifalarida Anvar qori Tursunovning vafot etganliklari haqida mutlaqo asossiz va yolg‘on xabar tarqatildi. O‘zbekiston musulmonlari idorasi Toshkent shahar vakilligining ma’lum qilishicha, ayni damda ustoz Anvar qori Tursunov hayotlar.

Ma’lumki, Anvar qori Tursunov joriy yilning aprel oyida mikroinsultni boshidan o‘tkazgan edi. Hozirda Anvar qori shifoxonda muolaja olishda davom etmoqda.

“Aziz yurtdoshlarimizga tarqatilayotgan xabarlarga tekshirmasdan ishonib ketavermasliklarini iltimos qilamiz. Ustozimizga bu muborak kunlarda Alloh taolodan mukammal shifo so‘rab qolamiz. Duolaringizdan umidvormiz”, — deyiladi xabarda.