Oq uy Donald Tramp va Kim Chen In uchrashadigan vaqtni ma’lum qildi

Oq uy vakili Sara Sanders AQSh prezidenti Donald Tramp va Shimoliy Koreya yetakchisi Kim Chen Inning uchrashuvi Singapur vaqti bilan 9:00 (Toshkent vaqti bilan 6:00)ga belgilanganini ma’lum qildi, deb yozadi “Gazeta.ru”.

Uning so‘zlariga ko‘ra, Tramp va Kim Chen In Singapurda 12-iyun kuni mahalliy vaqt bilan 9:00 da uchrashadi.

Shuningdek, Oq uy vakilining qo‘shimcha qilishicha, ayni paytda AQSh delegatsiyasi Singapurda logistika bo‘yicha yakuniy detallarni kelishib olmoqda va “u yerda uchrashuv boshlanishigacha qoladi”.