Keyn — dunyoning eng qimmat futbolchisi, Neymar va Mbappe kuchli uchlikda, Ronaldu esa 10 talikda ham yo‘q

“Tottenhem” va Angliya terma jamoasi hujumchisi Harri Keyn CIES Football Observatory talqiniga ko‘ra, dunyoning eng qimmat futbolchisi sifatida e’tirof etildi. Keynning transfer narxi 201,2 million yevroga baholandi.

Ikkinchi va uchinchi pog‘onadan PSJning hujum tandemi Neymar (195,7 mln yevro) va Killian Mbappe (186,5 mln yevro) joy oldi.

Hisob-kitobda futbolchining yoshi, amaldagi shartnomasi, samaradorligi va gollari soni, jamoadagi roli, chempionat saviyasi inobatga olingan.

“Oltin to‘p”ning 5 karra sohibi Krishtianu Ronaldu (103,4 mln yevro) ro‘yxatda 24-pog‘onani egalladi. Yanvardagi reytingda Ronaldu 49-o‘rinda edi.

1. Harri Keyn (“Tottenxem”) – 201,2

2. Neymar (PSJ) – 195,7

3. Kilian Mbappe (PSJ) – 186,5

4. Lionel Messi (“Barselona”) – 184,2

5. Muhammad Saloh (“Liverpul”) – 171,3

6. Dele Alli (“Tottenxem”) – 171

7. Kevin De Bryuyne (“Manchester Siti”) – 167,2

8. Antuan Grizmann (“Atletiko”) – 164,5

9. Paulo Dibala (“Yuventus”) – 164,2

10. Romelu Lukaku (“Manchester Yunayted”) – 163,4