Qashqadaryoda shartli jazo muddatini o‘tayotgan mahkum Nexia olib qochdi

Qashqadaryo viloyati, Muborak tumanida yashovchi, 2016-yil 3-mart kuni o‘g‘irlik jinoyati uchun sudlangan va jazo muddatini shartli ravishda o‘tayotgan mahkum F.T. yana jinoyatga qo‘l urdi. Bu haqda IIV jamoatchilik va OAV bilan aloqalar boshqarmasi xabar bermoqda.

U joriy yil 3-iyun kuni Zarbuloq mahallasi hududida qarovsiz qoldirilgan B.J.ga tegishli Nexia rusumli avtomashinani haydab qochdi.

“Qarshi—Nukus” yo‘lining 112-kilometrida ketayotganda boshqaruvni eplay olmay yo‘l chetiga ag‘darilib ketadi va mashinani tashlab, voqea joyidan yashirinadi.

Ko‘rilgan choralar natijasida F.T. Koson tumani hududida qo‘lga olindi.