Floridadagi otishma oqibatida uch kishi halok bo‘ldi

Floridaning Jeksonvill shahrida sodir bo‘lgan otishma oqibatida uch kishi halok bo‘ldi va yana bir kishi jarohat oldi. Bu haqda Fox News telekanaliga tayanib, “TASS” xabar berdi.

Ma’lumotlarga ko‘ra, noxush hodisa 5-may kuni kechqurun sodir bo‘lgan. Qurollangan noma’lum shaxslar avtomobil ichidan turib odamlar o‘tirgan boshqa bir mashinani o‘qqa tutgan. Otishma oqibatida bir kishi voqea joyidayoq halok bo‘lgan, yana ikki nafarining joni shifoxonada uzilgan.

O‘q tekkan yo‘lovchilardan birining ahvoli og‘ir ekanligi aytilmoqda.

Ayni vaqtda shahar politsiyasi jinoyatchilarni qidirish bilan band.