Buxoroda sayyor sud 6 kishini jazo muddatidan shartli ravishda ozod qildi

Jinoyat ishlari bo‘yicha Buxoro viloyati Kogon shahar sudi raisi Z.Sherov raisligida Kogon tuman IIBda sayyor sud tashkil etildi. Bu haqda Buxoro IIB matbuot xizmati “Daryo”ga xabar berdi.

Sayyor sud axloq tuzatish ishlariga hukm qilingan 6 kishini Jinoyat Kodeksining 73-moddasiga asosan o‘talmay qolgan jazo muddatidan shartli ravishda ozod qildi.

Shuningdek, Jinoyat Kodeksining 46-moddasiga asosan, Akmal Badriddinov ozodlikni cheklash jazosini o‘tashdan bo‘yin tovlagani uchun ozodlikdan mahrum etish jazosiga hukm qilindi. Badriddinov sayyor sud zalida qamoqqa olinib, Buxoro viloyati IIBga qarashli 3-sonli tergov hibsxonasiga joylashtirildi.