Ertaga tongda o‘yin: O‘zbekiston Suares va Kavani boshchiligidagi Urugvayga qarshi maydonga tushadi

Ertaga, 8-iyun kuni Toshkent vaqti bilan soat tonggi 04:00 da futbol bo‘yicha O‘zbekiston terma jamoasi Montevideoda ikki karra Jahon chempioni — Urugvay termasiga qarshi o‘rtoqlik uchrashuvida maydonga tushadi.

Bellashuv O‘zbekistonning Sport-TV hamda Rossiyaning “Match-TV” telekanali orqali to‘g‘ridan to‘g‘ri namoyish etiladi. O‘zbekiston uchrashuvni oq, Urugvay esa havorang libosda boshlaydi.

Ma’lumot uchun Oskar Tabares shogirdlari Jahon Chempionatining guruh bosqichida mundial mezboni Rossiya bilan bir guruhdan joy olgan.

Qayd etish joiz, O‘zbekiston milliy terma jamoasi shu paytga qadar biror marta Janubiy amerikaliklar bilan uchrashuv o‘tkazmagan.