Toshkentda 4 ming tonna palma moyini bojxona to‘lovlarisiz olib kirgan MChJ aniqlandi

Toshkent shahar bojxona boshqarmasi tomonidan MChJlardan birining noqonuniy xatti-harakatlariga chek qo‘yildi. Bu haqda Davlat bojxona qo‘mitasi axborot xizmati “Daryo”ga xabar berdi.

Ma’lum bo‘lishicha, MChJ 11,9 ming tonnadan ortiq palma moyining salkam 4,7 ming tonnasini ruxsatsiz va hech qanday to‘lov to‘lamay bojxona omboridan olib chiqib ketgan.

Aslida 4,7 ming tonna palma moyi uchun 13 milliard 99 million so‘m bojxona to‘lovi to‘lanishi lozim edi.

Ayni paytda Toshkent shahar bojxona boshqarmasi tomonidan ushbu holat yuzasidan tergovga qadar tekshiruv ishlari olib borilmoqda.