Toshkent shahrida yo‘qolib qolgan 17 yoshli Zilola Meliyeva qidirilmoqda

Toshkent viloyatining Zangiota tumanida istiqomat qilgan Zilola Meliyeva Toshkent shahrida yo‘qolib qoldi. Bu haqda Facebook’da Zamira Yo‘ldosheva ma’lum qildi.

2001-yilda tug‘ilgan Zilola uydan 7-iyun, payshanba kuni ertalab chiqib ketgan. Fotodagi kabi kiyimda bo‘lgan. Uning ota-onalari mazkur holat yuzasidan Toshkent IIBBga murojaat qildi.

Oxirgi bor uni Chilonzorda, Mirzo Ulug‘bek nomli bog‘da, shuningdek, Bek baraka bozorida ko‘rishgan.

Sut sotuvchi ayolning qizi bo‘lgan Zilolani ko‘rgan-bilganlar bu haqda uning onasi Munojot bilan (+94) 6201047 telefon raqami orqali bog‘lanishlari so‘ralgan.