Yahoo o‘z messenjerini yopmoqda

Amerikaning Yahoo korporatsiyasi shu nomli messenjerini yopayotgani haqida e’lon qildi. Yahoo Messenger 2018-yil 17-iyuldan keyin ishlamaydi. Bu haqda “Korrespondent.net” xabar berdi.

Uning o‘rniga Yahoo o‘zining yangi xizmati Squirrel’dan foydalanishni tavsiya qilmoqda. Ayni paytda bu xizmat sinov talqini maqomida turibdi.

Yahoo Messenger 1998-yilda ishga tushirilgan. Biroq o‘shanda u Yahoo Pager deb nomlangan. O‘zining yakuniy nomiga xizmat 1999-yilning iyun oyida ega bo‘lgan. 2016-yilda Yahoo Messenger egalari bu xizmatga qaytadan qiziqish uyg‘otishga urinib ko‘rdi va uni yangi platformada ishga tushirdi, biroq urinishlar natija bermadi.