Qashqadaryoda jarima maydonchasida saqlanayotgan Matiz yonib ketdi

Qashqadaryo viloyatining G‘uzor tumanida Mustaqillik ko‘chasida joylashgan avtomashinalar jarima maydonchasida saqlanayotgan Matiz mashinasida yong‘in sodir bo‘ldi. Bu haqda IIV jamoatchilik va OAV bilan aloqalar boshqarmasi xabar bermoqda.

Yong‘in oqibatida Matiz to‘liq yonib ketdi. Uning yonida turgan Epica va Cobalt avtomobillari qisman zarar ko‘rdi.

Ko‘rilgan choralar natijasida yong‘in o‘chirildi. Jarohat olganlar yo‘q.

Surishtiruv ishlari olib borilmoqda.