Shavkat Mirziyoyev Toshkent chorrahalaridagi videokuzatuv tizimini qisqa muddatda ishga tushirishga ko‘rsatma berdi

O‘zbekiston Prezidenti Shavkat Mirziyoyev Toshkentda qurilishi 2014-yil boshlangan hamda shahar chorrahalarini kuzatishga mo‘ljallangan videokuzatuv tizimini qisqa muddatda ishga tushirishga ko‘rsatma berdi. Bu haqda “1news.uz” xabar bermoqda.

Hozirgi kunda Toshkentda 120 ta chorraha kuzatuv kameralari bilan jihozlangan. Ularning barchasi ishga tayyor va qoidabuzarliklarni test rejimida qayd etmoqda.

Ichki ishlar organlari faoliyatidagi muammo, kamchilik va vazifalarga bag‘ishlangan videoselektor majlisi davomida Shavkat Mirziyoyev tegishli rahbarlarga transport va piyodalar harakatini boshqarib turadigan kuzatuv kameralarini ishga tushirish bo‘yicha aniq ko‘rsatmalar berdi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.