Stokgolmda terakt sodir etgan Rahmat Oqilov sud hukmiga e’tiroz bildirmaydi

O‘tgan yili Stokgolmda sodir etgan terakti uchun umrbod qamoq jazosiga mahkum etilgan O‘zbekiston fuqarosi Rahmat Oqilov sud hukmiga e’tiroz bildirmaydi. Bu haqda uning advokat Yoxan Eriksson SVT telekanaliga ma’lum qildi, deb xabar beradi “TASS”.

“Bu sud hukmini qabul qilishini bildiruvchi aktni imzolaganini bildiradi. U endilikda uzoq vaqtda jazoni o‘tash muassasasida qoladi”, — deydi Eriksson.

2017-yilning 7-aprel kuni Oqilov olib qochilgan yuk mashinasida Stokgolm markazida joylashgan Drottninggatan ko‘chasidagi piyodalar yo‘lagi orqali 550 metr masofani bosib o‘tgan va 5 kishining umriga zomin bo‘lgan.

Joriy yilning 7-iyun sanasida Shvetsiya sudi uni terrorchilikda, besh kishini o‘ldirishda va 119 epizodda qotillik sodir etish borasida aybdor deb topildi va umrbod qamoq jazosiga hukm etdi.