Xorijiy kinokompaniyalar tomonidan O‘zbekistonda filmlar suratga olinishi tartibga solindi

“Xorijiy kinokompaniyalar tomonidan O‘zbekiston Respublikasi hududida badiiy filmlarni kino va video tasvirga olish tartibi to‘g‘risida”gi nizom tasdiqlandi. Bu haqda Adliya vazirligining Telegram’dagi “Huquqiy axborot” kanali orqali ma’lum qilindi.

Nizomga muvofiq, xorijiy kinokompaniyalar tomonidan O‘zbekiston hududida badiiy filmlarni tasvirga olish faqatgina “O‘zbekkino” milliy agentligi tomonidan berilgan ruxsatnomalar asosida amalga oshiriladi.

Bunda xorijiy kinokompaniyadan respublika budjeti daromadiga har bir tasvirga olish kuni uchun 800 ming so‘m miqdorida milliy valyutada to‘lov undiriladi.