Toshkentni Markaziy Osiyodagi eng zo‘r shaharga aylantirishni maqsad qilgan Top — 500 forumi o‘tkaziladi

Toshkent shahar hokimligi va hokimlik huzuridagi yangi tashkil etilgan jamoatchilik kengashi tomonidan tadbirkorlarning Top — 500 forumi tashkil etiladi. Forumning maqsadi Toshkent shahar hokimligi investorlar va tadbirkorlar o‘rtasidagi o‘zaro ishonchli, manfaatli va amaliy muloqot o‘rnatish va uni rivojlantirishdir. Bu haqda O‘zA xabar berdi.

Top — 500 hamjamiyatining maqsadi esa Toshkentni Markaziy Osiyodagi eng go‘zal va nufuzli shaharga aylantirishdir.

Shu yilning 18-iyun kuni Top — 500 hamjamiyatining forumi o‘tkaziladi. Unda Toshkent shahar hokimi vazifasini bajaruvchi Jahongir Ortiqxo‘jayev kuchli taraflar, kamchiliklar, imkoniyatlar va xavflar bo‘yicha tahliliy ma’ruza qiladi. Ushbu tadbir Toshkentning botanika bog‘ida o‘tkazilishi rejalashtirilgan.

Shuningdek, mazkur anjumanda O‘zbekistonda faoliyat yuritayotgan elchixonalar vakillari ham ishtirok etishi kutilmoqda.