O‘zbekiston musulmonlari idorasi Anvar qorining oilasi va yaqinlariga ta’ziya bildirdi

O‘zbekiston musulmonlari idorasi Anvar qori Tursunov vafoti munosabati bilan uning oila a’zolari va yaqinlariga ta’ziya bildirdi. 

Idora matbuot xizmati tomonidan keltirilgan ta’ziyada, jumladan, shunday deyiladi: 

“Yurtimiz musulmonlari ulkan musibatga, og‘ir judolikka uchradi. Ko‘p yillardan beri nafaqat yurtimiz, balki qo‘shni mamlakatlarga ham sermahsul xizmatlari bilan tanilgan, muhtaram ustoz Anvar qori Tursunov foniy dunyodan boqiy dunyoga rihlat qildilar.

O‘zbekiston musulmonlari idorasi rahbariyati, ulamolar, imom-xatiblar va mudarrislar Anvar qori Tursunovning oila a’zolariga, yaqinlariga chuqur ta’ziya izhor etadi. Alloh taolo u kishining qilib o‘tgan yaxshi amallarini o‘zlariga hamroh qilsin. Qoldirgan ilmiy meroslari, mav’izai hasanalaridan xalqimiz ko‘p yillar manfaatdor bo‘lishini muyassar aylasin”.