Buxoroda 1 dollarni 8050 so‘mdan ayirboshlayotgan valyutafurush ushlandi

Buxoro viloyati IIB boshlig‘i nomiga Kogon shahrida yashovchi fuqaro ariza bilan murojaat qilib, buxorolik shaxs bir AQSh dollarini 8050 so‘mdan ayirboshlab kelayotganligini bildirib, ushbu shaxsga nisbatan qonuniy chora ko‘rishni so‘radi. Bu haqda Buxoro viloyati IIB matbuot xizmati xabar bermoqda.

Buxoro shahrida o‘tkazilgan tezkor tadbir davomida 1989-yilda Buxoro tumanida tug‘ilgan shaxs Buxoro shahar “Dehqon bozori”da joylashgan “Azamat” nomli savdo do‘koni oldidagi yo‘l yoqasida ariza muallifiga har bir AQSh dollarini 8050 so‘mdan hisoblab, 500 AQSh dollarini 4 025 000 sotgan vaqtida qo‘lga olindi.