Davlat raqobat qo‘mitasida McKinsey vakillari bilan O‘zbekistonning investitsion jozibadorligini oshirish masalalari muhokama qilindi

Davlat raqobat qo‘mitasida McKinsey & Co konsalting firmasining Devid Fayn boshchiligidagi vakillari bilan uchrashuv bo‘lib o‘tdi. Bu haqda qo‘mita matbuot xizmati ma’lum qildi. 

Uchrashuvda O‘zbekistonning investitsion jozibadorligini yanada oshirish masalalari muhokama qilindi.

McKinsey & Co vakillariga qo‘mita faoliyatining asosiy yo‘nalishlari — xususiylashtirish, korporativ boshqaruv va qimmatli qog‘ozlar bozorini takomillashtirish, monopoliyaga qarshi tartibga solish, iqtisodiy nochor korxonalarni moliyaviy sog‘lomlashtirish bo‘yicha batafsil ma’lumot berildi.

Uchrashuv yakunida tomonlar yuqorida qayd qilingan masalalar yuzasidan yaqindan hamkorlik qilish bo‘yicha kelishib oldi.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.