Hasan Ruhoniy Trampni AQSh prezidentlari ichida “eng yovuzi” deb atadi  

Donald Tramp Eron islom respublikasi asos solingan 1979-yildan beri AQSh prezidentlari ichida “eng yovuzi” hisoblanadi. Bu haqda Eron prezidenti Hasan Ruhoniy ma’lum qildi, deb yozadi “TASS”.

“Eron davlati tuzilgan 1979-yildan beri AQSh hukumati Eron xalqining dushmani bo‘lib kelgan. Biroq AQShning hozirgi prezidenti eng yomon, eng adolatsiz va avvalgilari bilan solishtirganda eng yovuzidir”, — deydi Ruhoniy.

Bunda u Eron Vashingtonning Tehronga nisbatan rejalashtirayotgan qilmishlaridan xabardorligini qo‘shimcha qildi.

“BMT tarixda birinchi marta Eronning tinchlik maqsadida uranni boyitishga bo‘lgan huquqini tan oldi”, — deya ta’kidlaydi Ruhoniy.