IIV axboroti: Yunusobodda to‘rt kishining o‘limiga sabab bo‘lgan YTH Spark haydovchisining qoidabuzarligi ortidan yuz bergan

O‘zbekiston Ichki ishlar vazirligi Toshkentning Yunusobod tumanida 9-fevral oqshomida yuz bergan yirik yo‘l-transport hodisasi yuzasidan rasmiy axborot berdi.

9-fevral kuni soat taxminan 22:30 larda Toshkent shahrining Yunusobod tumanidagi Yangi shahar va Yangi Yunusobod ko‘chalari chorrahasida 1995-yilda tug‘ilgan haydovchi boshqaruvidagi Spark rusumli hamda 1989-yilda tug‘ilgan haydovchi boshqaruvidagi Matiz rusumli transport vositalari ishtirokida yo‘l-transport hodisasi sodir bo‘ldi.

Ushbu yo‘l-transport hodisasi natijasida 4 nafar fuqaro halok bo‘lgan va 4 nafar fuqaro og‘ir tan jarohati olgan.

O‘zbekiston Ichki ishlar vazirligi axborotida

Dastlabki surishtiruv ishlari natijasida yo‘l-transport hodisasi Spark avtomashinasi haydovchisi Yo‘l harakati qoidalari talablarini qo‘pol ravishda buzib, chorrahaga katta tezlikda kirib kelganligi oqibatida sodir bo‘lgani aniqlangan.

Mavzuga doir: Yunusobodda Spark va Matiz ishtirokida yirik avariya yuz berdi, qurbonlar bor

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.