Fransiya Netflix’ga raqobatchi yaratmoqda

Fransiyaning uchta federal kanali Amerikaning Netflix va Amazon kabi gigantlari bilan raqobat qilishi mumkin bo‘lgan striming xizmatini ishga tushirishini ma’lum qildi. France Televisions axborot tarqatuvchisi TF1 va M6 xususiy kanallari bilan Salto nomini oluvchi saytda birlashadi. Bu haqda “Korrespondent.net” xabar berdi.

Salto orqali France Televisions, M6 va TF1 guruhlari jamoatchilikning yangi istaklariga yuqori darajali javob berishni ko‘zlamoqda.

Netflix va Amazon kabi Salto oylik obuna asosida teledasturlar va filmlar taklif qiladi, obunani istalgan vaqtda bekor qilish mumkin bo‘ladi.

Yangi xizmatning aynan qachon ish boshlashi va uning narxi ma’lum qilinmagan.