Xitoyda 2018-yil oxirigacha elektromobillarni quvvatlantirish uchun 800 mingta shoxobcha ish boshlaydi

Xitoy hukumati aholi orasida elektromobillarni ommalashtirish maqsadida 2018-yil oxirigacha ularni quvvatlantirishga mo‘ljallangan 800 mingta joyni jihozlashni rejalashtirmoqda. Bu haqda “TASS” xabar berdi.

2016-yil yakunlari bo‘yicha Xitoy elektromobillar va gibridlar sotuvi bo‘yicha dunyoda birinchi o‘rinni egalladi.

12 oy mobaynida mamlakatda 507 mingta elektrotransport vositasi sotildi. 2015-yilda bu ko‘rsatkich 370 mingtani tashkil etgan edi.

Mamlakat qatorasiga ikkinchi yil avtotransportning mazkur segmentida yetakchilikni bermay kelmoqda.

Bugungi kungacha jahon bo‘yicha Xitoyda ishlab chiqarilgan 1 milliondan ortiq “yashil” avtomobili sotilgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.