“Vaqf” xayriya fondiga kelib tushga mablag‘lar yarim mln so‘mdan oshdi

“Vaqf” xayriya jamoat fondiga xayriya, zakot, ushr, fitr va fidya hisobidan 525 million so‘mdan oshiq mablag‘ yig‘ildi. Bu haqda O‘zbekiston musulmonlari idorasi xabar berdi.

14—15-iyun kunlari fond tomonidan operatsiya qilish kerak bo‘lgan og‘ir bemorlar, uy-joyi yo‘q moddiy yordamga muhtoj oilalar, ko‘p bolali daromadi yo‘q oilalar, yaqin insoni jazoni ijro etish muassasasida bo‘lgan 43 ta oilaga jami 62 million so‘mlik yordam ko‘rsatildi.

Fondning Farg‘ona, Xorazm, Surxondaryo, Qashqadaryo vakilliklari moddiy yordamga muhtoj hamda bemori bo‘lgan 80 dan oshiq oilaga oziq-ovqat va kiyim-kechak ulashdi.

Zakot mablag‘larini o‘z egalariga yetkazish ishlari davom etmoqda.