Angrenda o‘ziga tegishli bo‘lmagan plastik kartadan 20 mln so‘m yechib olgan shaxs qidirilmoqda

14-iyun kuni Toshkent viloyatining Angren shahrida yashovchi uy bekasi L.Z. IIBga murojaat qilib, katta summadagi mablag‘i noqonuniy yechib olinganini ma’lum qildi. Bu haqda IIV jamoatchilik va OAV bilan aloqalar boshqarmasi xabar berdi.

Arizachiga ko‘ra, shu yil 11-iyun kuni noma’lum shaxs Clisk tarmog‘i orqali uning nomiga “Ipoteka” bankidan ochilgan plastik kartochkasi hisobidan 20.179.800 so‘m yechib olgan.

Hozirda ushbu jinoyatni sodir etgan noma’lum shaxsni aniqlash va ushlash choralari ko‘rilmoqda.