Yaponiya bosh vaziri Kim Chen In bilan ishonchli munosabatlar o‘rnatishga urinmoqda

Yaponiya bosh vaziri Sindzo Abe KXDR yetakchisi Kim Chen In bilan o‘zaro ishonch munosabatlarini yo‘lga qo‘yishga urinayotganini ma’lum qildi, deb yozadi “TASS”.

Abening fikricha, KXDR yetakchisida liderlik xususiyatlari mavjud.

“Kim Chen Inda liderlik xususiyatlari mavjud. U ushbu xususiyatlarni AQSh prezidenti bilan uchrashganida namoyon etdi. Biz Yaponiya va Shimoliy Koreya aloqalarining yangi bosqichiga chiqishimiz kerak. O‘zaro ishonchsizlik devorini ag‘darish vaqti keldi”, — deydi Yaponiya bosh vaziri.

Abe avvalroq Kim Chen In bilan uchrashishga tayyorligini ma’lum qilgan edi.