HAMAS Isroilga 45 ta raketa uchirdi

19-iyundan 20-iyunga o‘tar kechasi HAMAS jangarilari G‘azo sektoridan Isroil marralariga qarata 45 ta raketa uchirdi. Bu haqda Isroil armiyasining Twitter’da bergan ma’lumotiga tayanib, “Gazeta.ru” xabar berdi.

Isroil armiyasi 7 ta raketa “Temir gumbaz” mudofaa tizimi yordamida tutib qolinganini ma’lum qilgan. Shuningdek, harbiylar Isroilni himoya qilishda davom etishini aytib o‘tgan.

Avvalroq Isroil aviatsiyasi mamlakat janubida yuz bergan otishmaga javoban G‘azo sektorining markaziy qismiga aviazarba bergani xabar qilingan edi.