Moskvada o‘zbekistonlik ayol palov pishiraman deb kuyib qoldi va vafot etdi

Moskvadagi dala hovlida palov pishirish chog‘ida o‘zbekistonlik ayol jiddiy kuyish jarohati olib, vafot etdi, deb xabar beradi UZ24.

26-may kuni 35 yoshli ayol norasmiy yashab kelayotgan eri bilan dala hovlida qozonda palov tayyorlamoqchi bo‘lgan, ammo qattiq kuyib qolgan.

Ayol kasalxonaga yetkazilgan, u yerda 14-iyungacha davolangan, so‘ng uyiga javob berilgan. Maxsus yollangan hamshira har kuni uyiga borib, yarasini bog‘lab turgan. Biroq ayol 19-iyun kuni vafot etgan.