Rossiyaning Kemerovo viloyatidagi “dinozavrlar qishlog‘i”da ulkan suyakning bir qismi topildi

Moskva va Kemerovo viloyati olimlarining ekspeditsiya otryadi ulkan o‘lchamli dinozar suyaklarining bir qismini topdi. Bu haqda “RIA Novosti” xabar berdi.

Ta’kidlanishicha, suyak ulkan o‘txo‘r zauropodga tegishli, biroq olimlar suyak ulkan yirtqich dinozavr skeletining bir qismi bo‘lishini ham istisno qilmayapti.

Olimlar suyak topilgan hududda ulkan yirtqich dinozavrlar yashaganligini va ular psittakozavr kabi o‘txo‘r dinozavrlarni ovlaganini taxmin qilmoqda. Bu turdagi suyaklar mazkur “dinozavrlar qishlog‘i” ochilgan 1953-yildan buyon birinchi marta topilgan.