Qashqadaryoda “VAZ-2101” kanalga tushib ketdi. 3 kishi halok bo‘ldi

Qashqadaryo viloyatining Chiroqchi tumanida 24-iyun kuni Samarqand viloyati, Pastdarg‘om tumanida yashagan F.N. “VAZ-2101” rusumli mashinasini Mirzatup qishlog‘ida haydab ketayotib, shu yerdan oqib o‘tuvchi “Eski Anhor” kanaliga tushib ketdi. Bu haqda IIV jamoatchilik va OAV bilan aloqalar boshqarmasi xabar berdi.

Hodisa oqibatida haydovchi F.N. va uning turmush o‘rtog‘i G.X. hamda Mirzatup qishlog‘ida yashagan L.X. ism-sharifli ayol voqea joyida halok bo‘ldi.

Yana bir yo‘lovchi — L.X.ning turmush o‘rtog‘i S.X. avtomobil eshiklarini ochib, suvdan chiqib oldi.

Hozirda mazkur holat yuzasidan surishtiruv ishlari olib borilmoqda.