Avstraliyalik erkak 1 oyda 3 marta lotereyada yutdi

Avstraliyalik Karlo Massetti bir oy ichida 3 marta lotereyada yutdi. Bu haqda 9news’ga tayanib, “RIA Novosti” xabar berdi.

Dastavval Sidneyda yashovchi 59 yoshli kishi 2 ta chipta sotib olgan va ikkala chiptada ham yutuq chiqqan. Umumiy hisobda chiptalar unga 2,5 million Avstraliya dollari keltirgan. Massettining so‘zlariga qaraganda, u o‘zining birinchi sotib olgan chiptasini undagi tartib chaqami yoqmagani uchun almashtirmoqchi bo‘lgan, biroq sotuvchi uni bu fikridan qaytargan.

Shundan so‘ng u uchinchi marta chipta sotib olgan, natijada yana 48 ming Avstraliya dollari yutib olgan. Aytilishicha, lotereyada yutib olish ehtimoli 50 milliondan 1 taga teng.

Massetti 50 ming dollarni mahalliy shifoxonalardan biriga xayriya qilishga qaror qilgan.