Qoraqalpog‘iston, Qashqadaryo va Samarqandda yangi o‘rmon xo‘jaliklari tashkil etiladi

Shumanay, Qonliko‘l, Shahrisabz va Fozilmon ixtisoslashtirilgan davlat o‘rmon xo‘jaliklarini tashkil etish chora-tadbirlari to‘g‘risidagi hukumat qarori qabul qilindi. Bu haqda Adliya vazirligi ma’lum qildi.

Qarorga muvofiq, jami 46 720,8 gektar maydonda davlat o‘rmon xo‘jaliklari tuziladi.

Xususan:

Shumanay (Shumanay tumani, 2050,5 gektar);

Qonliko‘l (Qonliko‘l tumani, 1993,3 gektar);

Shahrisabz (Shahrisabz tumani, 18 672 gektar);

Fozilmon (Qo‘shrabot tumani, 24 005 gektar) ixtisoslashtirilgan davlat o‘rmon xo‘jaliklari tashkil etiladi.