Ulug‘bek Rahmatullayevning litsenziyasi tugatildi

O‘zbekistonda xizmat ko‘rsatgan artist Ulug‘bek Rahmatullayevning litsenziyasi tugatildi. Bu haqda “O‘zbekkonsert” davlat muassasasi ma’lum qildi.

Muassasaning rasmiy bildirishida bu qaror shunday izohlangan:

“Litsenziat Ulug‘bek Raxmatullayev bilan tuzilgan litsenziya bitimi talab va shartlari buzilganligi, sababli, ushbu xonanda nomiga berilgan litsenziyaning amal qilishi ‘Faoliyatning ayrim turlarini litsenziyalash to‘g‘risida’gi O‘zbekiston Respublikasi Qonunining 23-moddasi hamda O‘zbekiston Respublikasi Vazirlar Mahkamasining 2015-yil 9-dekabrdagi 354-son qarorining 1-ilovasi bilan tasdiqlangan Nizomning 37-bandiga asosan 2018- yil 27-iyundan tugatilganligi bildiramiz”.