Gamburg aeroportida zaharli modda sizib chiqishi oqibatida 50 kishi jabrlandi
Germaniyada qutqaruv xizmatlari Gamburg aeroportida 50 kishi noma’lum zaharli moddadan zaharlangach, yuzlab yo‘lovchilarni aeroportdan evakuatsiya qildi. Bu haqda “Kommersant.ru” xabar bermoqda.
Favqulodda holat natijasida havo bandargohi vaqtincha yopilgan. Evakuatsiya qilinganlar terminallar tashqarisida noldan past darajadagi sovuq havoda kutishga majbur bo‘ldi.
Taxminlarga ko‘ra, zaharli modda aeroport binosiga konditsioner tizimi orqali kirib kelgan.
Mazkur hodisa bo‘yicha aeroport tomonidan hali hech qanday izoh berilmadi. Favqulodda vaziyatning parvozlar grafigiga qanday ta’sir qilganligiga ham oydinlik kiritilmadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.