30-iyun kuni Toshkentdagi ayrim ko‘chalarda harakat vaqtincha cheklanadi

Toshkent shahrida 30-iyun — “Yoshlar kuni” munosabati bilan o‘tkaziladigan marafon tufayli shaharning ayrim ko‘chalarida harakat cheklanadi. Bu haqda Toshkent shahar IIBB axborot multimedia markazi xabar bermoqda.

“30-iyun kuni Toshkent shahar Mirobod tumanida ‘Marafon-2018’ tadbiri o‘tkaziladi. Shu munosabat bilan 30-iyun, soat 8:00 dan 11:00 ga qadar Temiryo‘lchilar va G.Aliyeva ko‘chalarida avtotransportlar harakati vaqtincha cheklanishini ma’lum qilamiz”, — deyiladi xabarda.

Marafonga soat 8:00 da Temiryo‘lchilar ko‘chasida joylashgan AYoQSh oldida start beriladi. Unda barcha xohlovchilar ishtirok etishi mumkin.