Shavkat Mirziyoyev 5-iyul kuni Qozog‘istonga jo‘nab ketadi

Shavkat Mirziyoyev Nursulton Nazarboyevning taklifiga binoan 5-iyul kuni Qozog‘istonga jo‘nab ketadi. Bu haqda Prezident matbuot kotibi Komil Allamjonov Facebook’dagi sahifasida ma’lum qildi.

“Davlatimiz rahbari 6-iyul kuni Ostona shahrining 20 yilligiga bag‘ishlangan yubiley tadbirida ishtirok etadi”, — deyiladi xabarda.

Qozog‘istonga tashrif chog‘ida ikki tomonlama uchrashuvlar o‘tkazilishi ham rejalashtirilgan.