Farg‘onada jurnalist Muhammadjon Obidovning kitoblari taqdimoti bo‘lib o‘tdi

Ahmad Farg‘oniy nomidagi viloyat axborot-kutubxona markazida O‘zbekistonda xizmat ko‘rsatgan jurnalist Muhammadjon Obidovning “Men ko‘rgan dunyo” hamda “Jurnalist surishtiruvi: tajriba va tahlil” kitoblari taqdimoti o‘tkazildi. Bu haqda “Daryo” muxbiri xabar berdi.

“Jurnalist surishtiruvi: tajriba va tahlil” kitobida amaliy jurnalistikaning dolzarb masalalaridan biri — OAVda jurnalist surishtiruvlarining o‘rni mavzusi yoritilgan.

“Men ko‘rgan dunyo” kitobiga televideniye orqali berilgan videofilm, reportajlar ssenariylari kiritilgan. Shuningdek, kitobga maxsus DVD disk ilova qilingan.

Taqdimot davomida muallifning har ikki kitobi yuzasidan mutaxassislarning fikr-mulohazalari tinglandi. Kitobga kiritilgan maqolalarning milliy jurnalistika rivojidagi o‘rni ta’kidlandi.