O‘zbekistonda beshkurash federatsiyasi tashkil etildi

O‘zbekiston Zamonaviy beshkurash federatsiyasi Adliya vazirligida davlat ro‘yxatidan o‘tdi. Federatsiyaning “Gazeta.uz”ga xabar qilishicha, yangi tashkil etilgan federatsiya prezidenti etib Farrux Fazliyev saylangan.

Zamonaviy beshkurashda sportchilar ot sporti, qilichbozlik, o‘q otish, yugurish va suzish bo‘yicha bellashadi.

Mart—aprel oylarida zamonaviy beshkurash bo‘yicha O‘zbekiston chempionatini o‘tkazish rejalashtirilgan bo‘lib, uning yakunlariga ko‘ra mazkur sport turi bo‘yicha mamlakat milliy terma jamoasi shakllantiriladi.

Federatsiya xalqaro birinchilik va musobaqalarda ishtirok etish uchun Xalqaro zamonaviy beshkurash kengashiga a’zo bo‘lishni rejalashtirgan.

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.