Toshkentda piyodaning umriga zomin bo‘lib, qochib ketgan Spark haydovchisi qidirilmoqda

2018-yilning 1-iyul kuni soat 01:30 atrofida Toshkent halqa avtomobil yo‘lining Olmazor tumani hududida, Harbiy-texnika instituti atrofida yo‘l- transport hodisasi sodir bo‘ldi. Bu haqda IIBB matbuot xizmati ma’lum qildi.

Noma’lum haydovchi yorqin rangli Spark rusumli avtomobilda belgilanmagan joydan o‘tayotgan piyodani urib yuborib, voqea joyidan qochib ketgan. YTH oqibatida og‘ir tan jarohatini olgan 1961-yilda tug‘ilgan B.Otaboyev voqea joyida halok bo‘ldi.

Ushbu voqeaga guvoh yoki ma’lumotga ega bo‘lganlar, hodisa tasviri videoregistratorda saqlanib qolgan fuqarolardan zudlik bilan Toshkent shahar IIBB YHXB qidiruv bo‘limi bilan bog‘lanish yoki 102 telefon raqamiga xabar berish so‘ralgan.