Andijonda 59 kishiga fuqarolik pasporti topshirildi

Andijonda Prezident farmoniga muvofiq O‘zbekiston Respublikasi fuqaroligiga qabul qilingan 59 nafar shaxsga fuqarolik pasportlari tantanali ravishda topshirildi, deb xabar beradi O‘zA.

Tadbirda Andijon viloyat hokimi Shuhrat Abdurahmonov mamlakat farovonligi yo‘lida sidqidildan mehnat qilayotgan, ammo o‘zlariga bog‘liq bo‘lmagan holatlarga ko‘ra fuqaroligi bo‘lmagan shaxsga aylanib qolgan insonlarning hayotiy muhim masalalarini hal etishga davlat rahbari alohida e’tibor qaratayotganini ta’kidladi.

“Bugun mendan baxtiyorroq inson yo‘q. O‘zbekiston fuqaroligiga qabul qilindim. Ko‘nglimdagi kemtik to‘ldi. Buning uchun Prezidentimizdan behad minnatdorman”, — deydi Qirg‘iziston respublikasida tug‘ilgan, hozirda Andijon tumanida yashovchi fuqaro Mukuyma Jo‘raxonova.