JCh—2018. Xorvatiya—Angliya uchrashuvining eng yaxshi o‘yinchisi ma’lum bo‘ldi

FIFA tomonidan o‘tkazilgan navbatdagi so‘rovnomada Xorvatiya terma jamoasi a’zosi Ivan Perishich JCh—2018 yarim finalida Angliyaga qarshi uchrashuvning eng yaxshi o‘yinchisi sifatida e’tirof etildi.

Ivan Perishich uchrashuvning 68-daqiqasida Xorvatiyaning hisobni tenglashtiruvchi goliga mualliflik qildi. Xorvatlar qo‘shimcha bo‘limlarning ikkinchisida Mario Manjukichning kiritgan goli sabab, Angliyani 2:1 hisobida yengib, finalga chiqdi.

Jahon Chempionati g‘olibligi uchun finalda Fransiya va Xorvatiya terma jamoalari kurash olib boradi.