Samarqand viloyati hokimi Turobjon Jo‘rayev o‘z lavozimidan ozod etilganligi Samarqand viloyat hokimligining bir qator vakillari tomonidan tasdiqlandi
Samarqand viloyati hokimi Turobjon Jo‘rayev o‘z lavozimidan ozod etilganligi Samarqand viloyat hokimligining bir qator vakillari tomonidan tasdiqlandi, deb xabar beradi “Daryo” muxbiri Farhod Norbo‘tayev.
Viloyat hokimligidagi bir nechta manbaning so‘zlariga ko‘ra ayni paytda yangi hokimni tayinlash bo‘yicha sessiyaga tayyorgarlik ko‘rmoqda. Sessiya tez orada o‘tkazilishi rejalashtirilgan. Ammo viloyat hokimligining biror bir vakili ushbu holat bo‘yicha aniq ma’lumotga ega emasligini bildirmoqda.
Yaqin vaqtlar ichida viloyat hokimligda viloyatning yangi rahbarini tayinlash uchun o‘tkaziladigan sessiyani o‘tkazish masalalari bo‘yicha yig‘ilish bo‘lib o‘tishi ko‘zda tutilgan.
Hozirda Samarqand viloyat hokimi Turobjon Jo‘rayev Toshkentda ekanligi aytilmoqda.
Manba: Daryo.uz