Sarri ham boshladi. “Chelsi” 57 mln yevroga Jorjinyoni sotib oldi

Italiyaning “Napoli” jamoasi yarim himoyachisi Jorjinyo “Chelsi” klubiga ko‘chib o‘tdi. Bu haqda londonliklar matbuot xizmati xabar berdi.

Italiya terma jamoasining 26 yoshli a’zosi “Chelsi” bilan 5 yillik shartnoma imzoladi.

Jorjinyo 5-raqam ostida to‘p tepadi.

Futbolchining transferi uchun “Napoli”ga 57 million yevroga tushgan. Shuningdek, neapolliklar Jorjinyoning natijalariga qarab 8 million yevro bonusga ega bo‘lishi mumkin.